ЗАВРШИ 30-тата СИНДИКАЛНА ШКОЛА НА СИНДИКАТОТ НА УПОЗ

05.04.2019 година

На вториот дел од синдикалната школа, Заменикот министерот на Министерството за информатичко општество и администрација Александар Бајдeвски и Советникот за администрација во кабинетот на министерот Билјана Николовска Жагар ги најавија измените на Законот за административни службеници и Законот за вработени во јавниот сектор

На 30-та синдикална школа на Синдикатот на работниците од управата, правосудните органи и здруженија на граѓани на РМ (УПОЗ) која и оваа година се одржува во Охрид свое учество земаа и заменик министерот за информатичко општество и админситрација Александар Бајдовски и советникот за администрација во кабинетот на министерот Билјана Николовска Жагар. Тие пред стотината синдикалци најпрвин ги презентираа измените на Законот за административни службеници, Законот за вработени во јавниот сектор, како и насоките во кои ќе се движат измените бидејќи примената на овие закони утврдила дека има одредби со кои може да се подобри законското решение, а присутните ги запознаа и со новиот предлог Законот за високо раководна служба.

Повеќе...

ЗАПОЧНА 30-тата СИНДИКАЛНА ШКОЛА НА СИНДИКАТОТ НА УПОЗ

04.04.2019 година

Во Охрид, од 5 до 7 април 2019 година, се оджува 30-та синдикална школа на Синдикатот на УПОЗ за која е предвидена програма со повеќе теми, а на која ќе земат учество стотина синдикалци, како и гости од регионот.

30-та синдикална школа на Синдикатот на работниците од управата, правосудните органи и здруженија на граѓани на РМ (УПОЗ) годинава која започна денес е конципирана да има повеќе теми и содржини со цел размена на искуства, но и унапредување на преговарачките процеси во врска со потпишувањето на колективните договори.

Повеќе...

30-та СИНДИКАЛНА ШКОЛА НА СИНДИКАТОТ НА УПОЗ

04.04.2019 година

Од 5 до 7 април 2019 година, во Охрид, ќе се оджи 30-та синдикална школа на Синдикатот на УПОЗ при што, како и секоја година ќе има богата содржина со повеќе теми, учесници, но и гости од поширокото опкружување.

Програмата на 30-та синдикална школа на Синдикатот на работниците од управата, правосудните органи и здруженија на граѓани на РМ (УПОЗ) годинава е посветена на повеќе теми кои ќе дадат придонес во зголемување на искуствата во континуираните заложби за унапредување на состојбите со работниците и работничките права. Па така, најпрвин стотината учесници на синдикалната школа ќе имаат можност да ги слушнат искуствата на синдикатите од регионот во врска со потпишувањето на колективните договори, а потоа од првите луѓе на МИОА автентично ќе слушнат што носат измените на Законот за административни службеници, Законот за вработени во јавниот сектор и предлог Законот за високо раководна служба.

Повеќе...

ДО КАДЕ СЕ ПРЕГОВАРАЧКИТЕ ПРОЦЕСИ ЗА ПОЕДИНЕЧНИТЕ КОЛЕКТИВНИ ДОГОВОРИ ТЕМА НА РАБОТНИОТ СОСТАНОК НА СИНДИКАТОТ НА УПОЗ И СИНДИКАЛНИТЕ ОРГАНИЗАЦИИ

02.04.2019 година

Синдикатот на работниците од управата, правосудните органи и здруженија на граѓани на РМ (УПОЗ) на 01.04.2019 година одржа работен состанок со синдикалните организации коишто го имаат започнато процесот на преговори со работодавачите за склучување на поединечни колективни договори.

Синдикатот на УПОЗ и синдикалните организации кои се влезени во преговарачкиот процес за потпишување на поединечните Колективни договори, на состанокот  разгледаа до каде се овие процеси, но разговараа и за детектираање на проблемите доколку ги има, се со цел да се изнајдат и решенија.

Повеќе...

КОГА СИНДИКАТОТ БАРА ЗГОЛЕМУВАЊЕ НА ПЛАТИ И ДОДАТОЦИ НЕМА ПАРИ, А КОГА СУДОВИТЕ НАБАВУВААТ НОВИ ВОЗИЛА ИМА

28.03.2019 година

Секогаш кога треба да се вратат некои пари на работниците имаме проблем, а за набавка на возила или за други луксузни или било какви потреби на судовите и судиите или за било која институција во државата никогаш не е проблем.

Синдикатот на работниците од управата, правосудните органи и здруженија на граѓани на РМ (УПОЗ) на денешната конференција за медиумите информираше за добиените сознанија за набавка на нови авотмобили на дел од судовите во државава.

Имено, генералниот секретар на Синдикатот на УПОЗ Трпе Деаноски рече дека нивните конкретни барања за зголемување на платите на судските службеници, правилна исплата на додатоците на плата за судските полицајци, воведување на јубилејни награди и регрес за годишен одмор, за жал секогаш се или одбиени или игнорирани со образложение дека законот тоа не го предвидува, и дека нема средства во буџетот, било да е тоа судскиот или на државниот буџет.

Повеќе...