• sl0.jpg
  • sl1.jpg
  • sl2.jpg
  • sl3.jpg

СО ЗАЕДНИЧКА РАБОТА, ДО ПОДОБРА ПОЛОЖБА НА МЛАДИТЕ

30.09.2019 година

Prava u radu rad na pravima 4

Истражување во рамки на проектот „Права на работа, работата за правата” покажа дека информираноста на младите за работничките права е на многу ниско ниво.

Со поддршката од Европската унија, преку програмата Ерасмус + во младинскиот сектор, младите од Северна Македонија, Србија, Босна и Херцеговина, Црна Гора, Хрватска и Словачка имаат можност детално да се информираат за своите работнички права, како истите да ги користат во работното опкружување, но и да ги препознаат негативните појави и достапноста на механизмите на заштита.

Повеќе...

РЕАКЦИЈА НА СИНДИКАТОТ НА УПОЗ ЗА ПРОЛОНГИРАЊЕ НА НАЈАВЕНОТО ЗГОЛЕМУВАЊЕ ОД 5% НА АДМИНИСТРАЦИЈАТА

27.09.2019 година

Денес до Синдикатот на работниците од управата, правосудните органи и здруженија на граѓани на РМ (УПОЗ), пристигнаа неофицијални информации за пролонгирање на долго најавуваното зголемување на платите на администрацијата од 5%, започнувајќи со септемвриската плата.

Иако на седницата на Владата на РСМ од 08.01.2019 година на која беше донесена Одлука за утврдување на вредноста на бодот за пресметка на плата на државните службеници, во “5 до 12” (денес) известени се сите корисници на буџетот дека најавеното зголемување ќе се пролонгира по донесување на Законот за плати во РСМ.

Иако од Министерот за информатичко општество и администрација по нашата реакција, бевме информирани дека зголемувањето ќе се реализира наскоро по усвојување на ребалансот на Буџетот, сметаме дека ова е неодговорно.

Но без оглед на се, па дури и во наредната недела да се донесе законската измена, со што ќе се реализира најавеното зголемување, сметаме дека ова е некоректен однос на државата кон вработените и за ова бараме некој од надлежните да сноси одговорност.

ЈАВНА РАСПРАВА ЗА ИЗМЕНИТЕ НА ЗАКОНОТ ЗА АДМИНИСТРАТИВНИ СЛУЖБЕНИЦИ И ЗАКОНОТ ЗА ВРАБОТЕНИ ВО ЈАВНИОТ СЕКТОР

26.09.2019 година

МИОА СЛИКА

Фото: MИОА 

Претседателот на Синдикатот на работниците од управата, правосудните органи и здруженија на граѓани на РМ (УПОЗ) Пецo Груjовски, генералниот секретар Трпе Деаноски и членот на Одборот на административните службеници Александар Диље земаа учество на јавната расправа за измените на Законот за вработени во јавен сектор и Законот за административни службеници во организација на Министерството за информатичко општество и администрација.

Повеќе...

СИНДИКАТОТ НА УПОЗ ПРЕДЛАГА НОВ НАЧИН НА ПРЕСМЕТКА НА ПЛАТИТЕ ВО АДМИНИСТРАЦИЈАТА

17.09.2019 година

rsz 20190917 105454

Синдикатот на работниците од управата, правосудните органи и здруженија на граѓани (УПОЗ) предлага нов начин на пресметка на платите во администрацијата, според кој, вредноста на бодот би се усогласувала со висината на просечната плата во државата секој месец. Доколку Владата не сака да отстапи од сегашниот концепт на плати Синдикатот на УПОЗ бара да се направи правилна пресметка на трошоците за храна и превоз коишто во брутото се пресметуваат со износот од 2009 година.

Синдикатот на УПОЗ на конференција за медиумите ја поздрави одлуката на Владата за зголемување на платите во администрацијата и јавниот сектор за 5 %, но не се согласува со предвиденото покачување на плати и предлага нов начин на пресметка на платите во администрацијата.

Повеќе...

ПРАВА НА РАБОТА, РАБОТАТА НА ПРАВАТА

16.09.2019 година

Млади работници, а и Вие кои не сте млади или сте моментално невработени! Спотот за проектот "Права на работа, работата за правата" пристигна. Погледнете што ние подготвивме за вас!!! Следете ја нашата работа, и приклучете се во борбата и информирајте се за своите права од работен однос. Ова е само почеток. Проектот е финансиран од Erasmus+ програмта на Европската унија. #ErasmusPlus