ОДРЖАНА СРЕДБА СО МЛАДИ ЕДУКАТОРИ

02.09.2019 година

Младите едукатори од проектот „Права на работа, работа за права“на крајот на август одржаа работна средба на Златибор за да ги споделат впечатоците од работилниците што ги спроведоа во јуни - август 2019 година.

За време на работилниците, младите синдикалци од Србија, Црна Гора, Босна и Херцеговина, Северна Македонија, Словачка и Хрватска на своите врсници им пренесоа знаења и вештини за работничките права и механизмите за заштита на правата, а кои ги стекнаа за време на обуките што се одржаа во Братислава во месец мај 2019 година.

Повеќе...

СЕ ИНТЕНЗИВИРААТ АКТИВНОСТИТЕ ЗА ПОТПИШУВАЊЕ НА ГРАНСКИОТ КОЛЕКТИВЕН ДОГОВОР И ЗА ПРЕСТОЈНИТЕ ИЗМЕНИ НА ЗАС И ЗВЈС

21.08.2019 година

На барање на Министерството за информатичко општество и администрација одржана е средба на која продолжија разговорите за повеќе актуелни теми кои се во фокусот извесен период.

Претседателот на Синдикатот на работниците од управата, правосудните органи и здруженија на граѓани на РМ (УПОЗ) Пецo Груjовски и генералниот секретар Трпе Деаноски на барање на Министерството за информатичко општество и администрација (МИОА) одржаа работна средба. На средбата од страна на МИОА присуствуваа, министерот за информатичко општество и администрација Дамјан Манчевски, заменик министерот Александар Бајдевски, како и државниот советник за администрација Билјана Николовска Жагар.

Повеќе...

СЕКЦИЈАТА НА МЛАДИ ПРИ СИНДИКАТОТ НА УПОЗ ЈА ОДРЖА СВОЈАТА РАБОТИЛНИЦА ОД ПРОЕКТОТ “ПРАВА НА РАБОТА, РАБОТАТА ЗА ПРАВАТА”

24.07.2019 година

На ден 23.07.2019 година во просториите на Синдикатот на УПОЗ, Секцијата на Млади при Синдикатот на УПОЗ предводена од претседателот Бојан Трипуноски, ја одржаа работилницата во рамки на Erasmus+ проектот “ПРАВА НА РАБОТА РАБОТАТА ЗА ПРАВАТА” на која учество земаа десетина млади членови на Синдикатот на УПОЗ.

Повеќе...

ПРВА РАБОТНА СРЕДБА НА СИНДИКАТОТ СО НОВИОТ МИНИСТЕР ЗА ЛОКАЛНА САМОУПРАВА МИЛЕВСКИ

09.07.2019 година

Претседателот на  Синдикатот на работниците од управата, правосудните органи и здруженија на граѓани на РМ (УПОЗ) Пецo Груjовски оствари прва работна средба со новиот министер за локална самоуправа Горан Милевски.

На првата средба престедателот Грујовски и министерот Милевски разговараа за неколку прашања кои се важни за членовите на Синдикатот на УПОЗ во локалните самоуправи во државата.

Сепак главна тема која што го задржа нивното внимание беше активноста поврзана со потпишувањето на Колективните договори во општините при што министерот беше информиран дека во поголем дел од општините е почнат процесот на преговори. Како и секој  друг процес така и овој носи со себе свои проблеми, со кои на средбата беше запознаен Милевски како министер на секторот локална самоуправа под чија надлежност се единиците на локалната самоуправа во државава.

Повеќе...

ПРОДОЛЖИЈА ПРЕГОВОРИТЕ ЗА КОЛЕКТИВНИОТ ДОГОВОР

05.07.2019 година

Гранскиот Колективен договор за вработените во администрацијата, правосудните органи и другите вработени во администрацијата, регресот за годишен одмор, исплата на дневници за службени патувања во земјата, јубилејните награди, Законот за административните службеници и Законот за вработените во јавен сектор беа теми за разговор на работиот состанок кој денеска се одржа помеѓу Министерството за информатичко општество и администрација и Синдикатот на УПОЗ.

Поради претседателстките избори извесен период преговорите околу колективниот договор беа ставени во мирување. Денеска тие продолжија на средба на претседателот на Синдикатот на работниците од управата, правосудните органи и здруженија на граѓани на РМ (УПОЗ) Пецo Груjовски и генералниот секретар Трпе Деаноски на работна средба со министерот за информатичко општество и администрација Дамјан Манчевски и заменик министерот Александар Бајдевски.  

Повеќе...