Без страв и притосоци на работните места

Вработените во центрите за социјална работа, членови на Синдикатот на УПОЗ, денеска излегоа пред пред нивните установи за да ѝ дадат поддршка на повредената колешка од Прилеп, која пред неколку дена беше застрелана од корисник на социјални услуги.

Пораката беше една и единствена, а тоа е веднаш да се изнајдат решенија за заштита на безбедноста на социјалните работници на нивните работни места.

Претседателот на Синдикатот на УПОЗ, Трпе Деаноски, потсети дека нападот врз социјалната работничка во Прилеп е кулминација на долгогодишните безбедносни ризици со кои се соочуваат вработените во центрите за социјална работа.

„Социјалните работници секојдневно работат со најмаргинализираните групи, често во тензични и опасни ситуации. Нападите, вербални и физички, не се новост, но овој трагичен настан покажа дека овие мерки треба да се донесат во најбрз можен рок.“

За поддршка на повредената колешка член на Синдикатот на УПОЗ, денеска излегоа социјалните работници од Прилеп, Велес, Куманово, Тетово, Неготино, Кавадарци, Кичево и Гостивар. Тие истакнаа дека нивната работа е клучна за општеството, но дека е неопходно да им се обезбедат подобри услови за работа. За зал, поддршката изостана само од вработените во Центарот за социјална работа Скпоје, кои се соочуваа со закани од раководители и од Министерството за социјална политика, демографија и млади.