Иако никогаш не дојде да изврши надзор во канцелариите на Синдикатот на УПОЗ, горе наведениов подготви записник и казна за наводна повреда која не му е надлежност да ја провери.

Зошто??

Бидејќи Љуљзим Фаризи е инспектор, но истовремено и Претседател на синдикална организација во жолт Синдикат, па изгледа добил задача да казнува и заплашува, иако и самиот знаел дека истото не смее да го прави.

Меѓутоа, Државната комисија за одлучување во управна постапка, постапка од работен однос и инспекциски надзор од втор степен ја уважи жалбата на Синдикатот на УПОЗ и утврди дека инспекторот Љуљзим Фаризи НЕПРАВИЛНО го применил материјалното право и дека Љуљзим Фаризи ИЗЛЕГОЛ НАДВОР ОД РАМКИТЕ НА СВОИТЕ ОВЛАСТУВАЊА кога вршел надзор врз Статутот на Синдикатот на УПОЗ.

Да излезеш надвор од рамки на овластувања и да одработуваш за туѓ интерес со цел да нанесеш намерна штета на правно, физичко лице или во овој случај Синдикат е директна повреда на кривичното право, односно злоупотреба на службената положба и овластувањата кои ги има наводниот инспектор.

Затоа горе наведениот ќе одговори за кого одработува, ама ќе одговори пред надлежни истражни органи

Денес, после скоро две години преговори и се уважи барањето на Синдикатот на УПОЗ, вработените во управата и правосудството да добијат зголемување на своите плати за 40%.

На средба со претставниците на Владата беше договорено да се потпишат колективни договори на ниво на работодавач, а опфатот се однесува на 11.000 вработени во управата и правосудството.

Синдикатот на УПОЗ во следниов период ќе изготви текст на Колективен договор и истиот ќе биде проследен до Министерството за јавна администрација се со цел да биде дефиниран конечниот текст.

Во четврток во 16:45 часот, Владата се враќа на маса, за да преговара со Синдикатот на УПОЗ за барањата од одржаните протести за зголемување на платите на вработените во управата и правосудството.

Синдикатот на УПОЗ во месец јануари 2025 година, протестираше заедно со вработените за зголемување на платите а преговорите еднострано од Владата беа прекинати.

Иако Синдикатот на УПОЗ се обидуваше тие преговори да продолжат, и вработените во управата и правосудството да добијат додаток на плата , а во месец октомври 2025 година, Синдикатот на УПОЗ се обрати до Владата на РМ за предвидување на средства за 2026 година, за ова зголемување.

По одржување на протестот на 28. јануари, Владата веднаш излезе со "понуда" за зголемување на платите на работниците во управата и правосудството, која без протест немаше да биде добиена.

Нагласуваме дека вработените имаат право на веќе стекнати права утврдени со колективни договори, и новото зголемување на платите ќе значи дополнително материјално право нешто за што Синдикатот на УПОЗ се залага.