На ден 19.02.2025 година се одржа 19. Седница на Претседателството на Синдикатот на УПОЗ, на која се усвоија Измени и дополнување на Правилникот за Солидарен фонд.

Измените кои се направени се следни:
• Паричната помош за подолготрајното боледување ќе се смета од првиот ден на спреченост на работа, но барателот мора да има најмалку 30 дена континуирано боледување. Со 30 дена боледување, на барателот ќе му следуваат 3.000,00 денари наместо досегашните 1.000,00 денари.
• Зголемен е износот за парична помош за прваче и истиот од 3.000,00 денари се зголемува на 4.000,00 денари.
• Зголемен е износот за парична помош за новороденче и истиот од 3.000,00 денари се зголемува на 4.000,00 денари.
• За паричните позајмици за школување, лекување, елементарна непогода и други основи се зголемува максималниот износ на позајмицата од 30.000,00 денари на 40.000,00 денари.

Воедно согласно направената анализа а се со цел да им се излезе во пресрет на членовите на Синдикатот на УПОЗ, додадено е ново право на Парична позајмица без основ (со писмо барање на членот на Синдикатот), во висина до 15.000,00 денари и истата ќе се враќа на 6 еднакви месечни рати.

Ова право ќе може да го остваруваат најмногу 20 членови на Синдикатот месечно, а доколку има поголем број на барања, се прави листа на чекање и истите се реализираат наредниот месец.

Претседателството на Синдикатот на УПОЗ ја задолжи стручната служба при Синдикатот на УПОЗ да изготви пречистен текст на Правилникот за доделување на парична помош од Солидарниот фонд при Синдикатот на УПОЗ и членовите во правилникот да се нумерираат редоследно.

Сите барања кои се доставени до Комисијата за солидарен фонд до 19.02.2025 година, ќе бидат разгледани и решени согласно одредбите кои важеле до 19.02.2025 година.

На 23.01.2025 година, Комисијата за солидарен фонд ја одржа својата 25-тата седница, на која беа разгледани барања по најразлични основи поднесени од страна на членовите на Синдикатот на УПОЗ.

Со цел да им се излезе во пресрет на членовите на Синдикатот за поднесените барања во изминатиот период, на ден 23.01.2025 година Комисијата за Солидарен фонд, ја одржа својата 25-та седница на која беа разгледани барањата на членовите по разни основи и тоа за парична помош за лекување беа поднесени две барања во вкупен износ од 60.000,00 денари. 10 барања беа поднесени и реализирани по основ парична помош за боледување во вкупен износ од 54.300,00 денари. Исто така, на оваа седница беа одобрени и четири позајмици во вкупен износ од 74.000,00 денари.

Во периодот помеѓу двете седници од 03.12.2024 година до 23.01.2025 година, согласно Правилникот за Солидарен фонд беа одобрени и исплатени вкупно 36 барања во вкупен износ од 232.000,00 денари и тоа:
• Парична помош за новороденче – 20 барања во износ од 60.000,00 денари;
• Парична помош за смрт на член на потесно семејство – три барања во износ од 30.000,00 денари;
• Парична помош за пензионирање – пет барања во износ од 15.000,00 денари;
• Парична помош за смрт на член на Фондот – две барања во вкупен износ од 40.000,00 денари;
• Парична помош за лекување – едно барање во вкупен износ од 30.000,00 денари;
• Парична помош за прваче – пет барања во износ од 15.000,00 денари и
•Парична позајмица – две барања во износ од 42.000,00 денари.

Во изминатите денови, вработените во шест министерства и две државни органи, покажаа дека и на минусни температури можат да излезат на протести за да ги остварат своите права.

Овие денови, се изначитавме декларативни соопштенија од страна на Владата, преку кои Владата не канеше на средби преку Вас медиумите, а ние формално не добивме никаква покана за продолжување на дијалогот.

“Бидејќи дијалог не се води преку соопштенија и преку Вас медиумите, Синдикатот на УПОЗ денес поднесе формално барање за средба со Претседателот на Владата на Р. Македонија, со која бараме повторно продолжување на дијалогот кој еднострано беше прекинат од страна на Министерството за финансии со одбивање на предложените Колективни договори за додатокот на плата за овие вработени кои се тука со нас” – кажа на прес конференциајта Претседателот на Синдикатот на УПОЗ Трпе Деаноски.

Вработените очекуваат, Владата да покаже разбирање и да ја прифати оваа подадена рака од Синдикатот на УПОЗ, за изнаоѓање на решение нашите барања, а во спротивно ќе бидеме приморани повторно да ги активираме протестите како и да ги искористиме сите со закон дадени можности за изразување на незадоволството на работниците до остварување на барањата.