35. Синдикална школа на Синдикатот на УПОЗ

Денес официјално започна 35. Синдикална школа на Синдикатот на УПОЗ, која ќе трае два дена а на која учествуваат повеќе од 80 учесници од различни синдикални организации.

Темата на овогодинешната школа е "Синдикална моќ и лидерство".

Предавач на школата е Орла Фол од Ирска, меѓународно признат експерт за организација и стратегија.

Преку интерактивни сесии, учесниците ќе имаат можност да се запознаат со вистинската моќ на синдикатот и како учесниците на школата да ги зајакнат лидерските способности за заштита на Синдикатот и членството.

По завршувањето на Синдикалната школа, ќе следат дополнителни информации со заклучоци и препораки кои ќе произлезат од оваа важна обука за членовите на Синдикатот на УПОЗ.