Унапредување на соработката, присуство на Синдикатот во работата на Судскиот буџет, продолжување со исплатата на додатоците на плата на судската служба беа дел од прашањата на Синдикатот на УПОЗ на првата средба со новоизбраниот претседател на Судскиот совет г-ѓа Весна Дамева и заменикот претседателот г.Селим Адеми

Претставници на Синдикатот на УПОЗ, на првата средба со Претседателката на Судскиот совет, проследија низа барања за заштита на правата на членовите и вработените во судската служба.

Претседателот на Синдикатот на УПОЗ го честиташе изборот за претседател на Судскиот совет на Р. Македонија, а воедно побара соработката помеѓу Синдикатот и Судскиот совет да се подигне на повисоко ниво бидејќи истата во изминатиот период беше на најниско можно ниво.

Исто така, беше побарано исплатата на додатоците на плата да биде во ист износ за судските службеници и судиите за да се намали незадоволството кое моментално владее во судовите.

Претседателката на Судскиот совет изрази подготвеност за подобрување на соработката помеѓу Синдикатот и Судскиот совет и како прва мерка за подоврување на соработката е отворената покана претставник на Синдикатот на УПОЗ да присуствува во работата на седниците на Судскиот буџетски совет.

Од нејзина страна беше истакнато дека работата во судовите е тимска и дека судиите не можат без судската служба но и дека судската служба не може без судиите, а воедно истакна дека во иднина сите отворени прашања ќе се решаваат заеднички и со поддршка на Судскиот совет на РСМ и Судскиот буџетски совет, во рамки на своите надлежности.

Денес во просториите на Синдикатот на УПОЗ, со потпишување на Колективен договор, се унапредија правата од работен однос за вработените во Општина Маврово и Ростуше. 

Синдикатот на УПОЗ и Синдикалната организација при Општина Маврово и Ростуше, преставувани од Претседателот на Синдикатот на УПОЗ Трпе Деаноски и претседателот на Синдикалната организација Рифат Рамадани од другата страна и Градоначалникот на Општина Маврово и Ростуше Медат Куртовски, го потпишаа Колективниот договор за вработените во локалната самоуправа. 

Во колективниот договор се предвидени регрес за годишен одмор, усогласување на платите со порастот на минималната плата итн. 

Во просториите на Синдикатот на УПОЗ, денес 21.12.2022 година, се потпиша Колективен договор за вработените во Општина Делчево, со кој се унапредија правата на вработените во локалната самоуправа.

Синдикатот на УПОЗ и Синдикалната организација при Општина Делчево, преставувани од Претседателот на Синдикатот на УПОЗ Трпе Деаноски и претседателот на синдикалнта организација Ивана Ивановска од едната страна и Градоначалникот на Општина Делчево Горан Трајковски од другата страна, го потпишаа Колективниот договор за вработените во Општина Делчево. 

Во колективниот договор се предвидени регрес за годишен одмор, исплата на јубилејни награди, усогласување на платите со порастот на минималната плата итн. 

Страница 8 од 81
Capital Bank

Блог

Статистика

  • Корисници 2
  • Артикли 355
  • Посети на артикли 250518

Онлајн

Имаме присутни 189 гости и нема членови