На 11. Конгрес на Европската федерација на синдикатите од јавниот сектор, Претседателот на Синдикатот на УПОЗ Трпе Деаноски е избран за член на Извршниот одбор на ЕПСУ. Оваа функција, Претседателот Деноски ќе ја обавува пет години, и ќе го преставува Синдикатот на УПОЗ во ЕПСУ а со тоа ќе се залага за унапредвуање на правата на своите членови.

Му го честитаме изборот на Претседателот Деаноски и му посакуваме успешна работа во периодот кој следи. 

Под мотото “Време е за јавниот сектор” oд 18. до 20. Јуни, во Букурешт се одржува 11. Конгрес на European Public Service Unions (EPSU), на кој учествуваат 600 учесници од целиот свет.

На покана на ЕПСУ тимиот за организација и регрутирање нови членови, Претседателот на Синдикатот на УПОЗ Трпе Деаноски беше еден од учесниците на панел дискисијата, кој ја презентираше две годишната работа на Синдикатот на УПОЗ за зголемување на членството, предизвиците и формирањето на новите синдикални организации.

“Во колективното преговарање не можете сами, не можат двајца или тројца да го водат целиот процес, потребен е цел тим за да имате успешни преговори позади себе. Тимот на Синдикатот на УПОЗ не е голем, па одлучивме за сите наши успеси и потпишување на Колективни договри, да правиме објави на социјалните мрежи за да допреме до што повеќе членови и потикнеме повеќе работодавачи. Владата во 2021 година, не ги усогласи платите и забрани нивно зголемување, но најдовме начин да делуваме на локално ниво, да ги унапредуваме правата од работен однос и да ги зголемуваме платите, а со самото тоа да се зголемуваше и членството во Синдикатот на УПОЗ. Доста сме застапени во медиумите, во последната година организиравме повеќе штрајкови и протести, и ја користиме секоја прилика која ќе ни биде укажана да ги унапредиме правата на членовите на Синдикатот на УПОЗ преку потпишување на Колективни договори. Важно е да се работи со членството, да се слушнати нивни идеи, и да се организираат редовни средби, само така може да имаме јак Синдикат” – посочи Претседателот Трпе Деаноски, на панел дискусијата.

#EPSUCONGRESS2024
#TimeForPublicServeces

Од 06.06 до 09.06.2021 година во хотелскиот комплекс Метропол се одржаа 29.тите спортски игри и средби на Синдикатот на УПОЗ. Оваа година како и минатата учество зедоа над 400 членови на Синдикатот на УПОЗ од 32 синдикални организации.

Екипите се натпреваруваа во пет дисциплини а севкупен победник во машка конкуренција беше Синдикалната организација при Општина Струмица со освоени 8 бодови. Жените се натпреваруваа во четири дисциплини а севкупен победник беше екипата на Синдикалната организација при Град Скопје со освоени 12 бодови, како и четири дисциплини во мешана конкуренција. Севкупен победник на 29.тите спортски игри и средби со вкупно 21 бод беше Синдикалната организација при Град Скопје.

Оваа година како и изминатите години за успешна организација на овие игри, Синдикатот на УПОЗ со спонзорство беше поддржан од Халк Банка и Кожуфчанка АД Кавадарци која обезбеди производи од својот асортиман.

Наредните два дена, беа одржани натпреварите во поединечна и екипна конкуренција по утврдени термини а игрите поминаа во спортска и  фер атмосфера.

За да присуствуваат што поголем број членови на Синдикатот кои сакаат да учествуваат на спортските игри, Синдикатот на УПОЗ и оваа година додели досега најголем износ од 610.000,00 денари а средствата ги искористија СО при Агенцијата за катастар на недвижности, СО при Основниот суд Куманово, СО при Општина Виница, СО при КПУ Затвор Штип, СО при Министерството за финансии, СО при Општина Струмица и СО при Фонд ПИОМ.

Третата и завршна вечер, беше резервирана за доделување на најдобрите по дисциплини, беа обезбедени пехари и дипломи што преставуваше врв на тридневните натпреварувања, дружења и забава.

Врз основа на искажувањата и впечатоците на учесниците, можеме да констатираме дека имавме уште едни успешни спортски игри и средби.