Повеќе од 50 млади синдикални активнисти од Црна Гора, Македонија, Србија, Словенија, Грција, Турција и Босна и Херцеговина, беа учесници на Првата Академија за млади Синдикални лидери, која се одржа во Чајн – Црна Гора.

Од 15. Септември, врз основа на заеднички изработена наставна програма за неформално образовани на синдикалните активисти, тие се запознаа со основите на синдикализмот, улогата и значењето на синдикатите и нивната неопходност од соодветна заштита на трудот и сите други социјални права. Фокусот беше на потребата за зајакнување на младинските секции и создавање нови генерации млади синдикални лидери кои ќе дејствуваат како мотиватори, едукатори и пример за останатите членови.

По најавениот протест кој ќе се оддржи на 28.09.2023 година (четврток), Претседателката на Врховниот суд г-ѓа Беса Адеми ги покани преставниците на Синдикатот на УПОЗ на работа средба. 

Од страна на Синдикатот на УПОЗ на оваа средба, беа присутни Претседателот на Синдикатот на УПОЗ Трпе Деаноски, претседателот на Синдикалната организција при Апелационен суд Скопје Лилјана Зафирова, претседателот на Синдикалната организцаија при Основен суд Велес Горанчо Чолаков, претседателот на Синдикалната организација при Основниот граѓански суд Ристе Лашковски и претседателот на Синдикалната организација при Основниот суд Кавадарци Трајанка Бошева.

Членовите на Синдикатот на УПОЗ преку Солидарниот фонд на Синдикатот на УПОЗ, девета година по ред, имаат можност за остварување на неповратна парична помош за прваче, во висина од 3.000,00 денари. 

Ве информираме, дека ова право, членовите на Синдикатот на УПОЗ почнаа да го остваруваат од 2014 година, а во период од 2014 до 2022 година, реализирани се 1407 барања со вкупен износ од 4.221.000,00 денари. 

Сакаме на сите родители членови на Синдикатот на УПОЗ, да им го честитаме почетокот на основното образование на своите најмили.