Потпишан Колективен договор за вработените во јавните установи за социјална заштита

На седми август, Претседателот Синдикатот на УПОЗ Трпе Деаноски и Министерот за социјална политика, демографија и млади, Фатмир Лимани, потпишаа Колективен договор со кој се унапредуваат правата од работен однос и се обезбедуваат подобри услови за сите вработените во јавните установи за социјална заштита!

Со Колективниот договор е предвидено зголемување на платите за 20% како и годишно усогласување на платите на вработените во јавните установи за социјална заштита согласно растот на минималната плата.

Овој значаен чекор е резултат на добриот социјален дијалог помеѓу Претседателот на УПОЗ Трпе Деаноски Синдикатот, Министерот Фатмир Лимани и Државниот секретар Фатмир Сабриу, насочен кон унапредување на работничките права и јакнење на јавниот сектор.

Синдикатот на УПОЗ ќе продолжи со истата заложба и понатаму – за достоинствени плати и подобри услови за сите наши членови!