Денес во просториите на Синдикатот на УПОЗ, со потпишување на Колективен договор, се унапредија правата од работен однос за вработените во Општина Маврово и Ростуше. 

Синдикатот на УПОЗ и Синдикалната организација при Општина Маврово и Ростуше, преставувани од Претседателот на Синдикатот на УПОЗ Трпе Деаноски и претседателот на Синдикалната организација Рифат Рамадани од другата страна и Градоначалникот на Општина Маврово и Ростуше Медат Куртовски, го потпишаа Колективниот договор за вработените во локалната самоуправа. 

Во колективниот договор се предвидени регрес за годишен одмор, усогласување на платите со порастот на минималната плата итн. 

Во просториите на Синдикатот на УПОЗ, денес 21.12.2022 година, се потпиша Колективен договор за вработените во Општина Делчево, со кој се унапредија правата на вработените во локалната самоуправа.

Синдикатот на УПОЗ и Синдикалната организација при Општина Делчево, преставувани од Претседателот на Синдикатот на УПОЗ Трпе Деаноски и претседателот на синдикалнта организација Ивана Ивановска од едната страна и Градоначалникот на Општина Делчево Горан Трајковски од другата страна, го потпишаа Колективниот договор за вработените во Општина Делчево. 

Во колективниот договор се предвидени регрес за годишен одмор, исплата на јубилејни награди, усогласување на платите со порастот на минималната плата итн. 

Денес 21.12.2022 година, Комисијата за солидарен фонд ја одржа својата седма седница, на која беа разгледани барања по најразлични основи поднесени од страна на членовите на Синдикатот на УПОЗ. Во периодот помеѓу две седници, беа реализирани вкупно 51 неповратно барање во вкупен износ од 193.600,00 денари.
 
Со цел да им се излезе во пресрет на членовите на Синдикатот за поднесените барања, на 21.12.2022 година Комисијата за Солидарен фонд, ја одржа својата седма седница на која беа разгледани барањата на членовите по разни основи.
По основ парична помош за боледување беа поднесени вкупно 10 барања, а одобрени беа девет, со вкупен износ од 61.800,00 денари.
Едно барање беше поднесено по основ парична помош за лекување, и на членот му беше одобрен износ од 20.000,00.
 
По основ парична помош за загрозена материјална состојба беа реализирани три барања во вкупен износ од 30.000,00 денари, а две барања беа реализирани и по основ на парична помош за исклучитечни случаи во вкупен износ од 12.000,00 денари.
 
Исто така на седницата беа разгеледани и четири барања за парична позајмица во вкупен износ од 74.000,00 денари.
 
Во периодот меѓу двете седници од 05.11.2022 година до 21.12.2022 година, согласно Правилникот за солидарен фонд беа одобрени и исплатени вкупно 51 барања во вкупен износ од 193.600,00 денари и тоа:
• Парична помош за новороденче – 17 барања во износ од 51.000,00 денари
• Парична помош за смрт на член на потесно семејство – пет барања во износ од 50.000,00 денари
• Парична помош за пензионирање – 15 барања во износ од 44.600,00 денари
• Парична помош по член 28 (исклучителен случај) – едно барање во износ од 3.000,00 денари (исплата за заболените членови од Ковид 19);
• Парична помош во исклучителни случаи – едно барања во износ од 6.000,00 денари.
• Парична помош за прваче – 13 барање во износ од 39.000,00 денари.

На ден 20.12.2022 година, во просториите на Општина Сарај, се потпиша Колективен договор за вработените во Општина Сарај. 

Колективниот договор од страна на Синдикатот на УПОЗ го потпишаа Претседателот на Синдикатот на УПОЗ Трпе Деаноски и претседателот на синдикалната организација Рамадан Рамадани од едната старна и Градоначалникот на Општина Сарај Блемир Беџети од другата страна. 

Со овој колективен договор се уредуваат правата, обврските, одговорностите и другите прашања во врска со работниот донос на вработените при Општина Сарај и тоа усогласување на платите со порастот на минималната плата, зголемен износ за регрес за годишен одмор, исплата на јубилејни награди и можност за исплата на 13-та плата. 

Претседателот на Синдикатот на УПОЗ Трпе Деаноски, изрази големо задоволство од постигнатите решенија и потпишувањето на Колективниот договор и истакна дека само преку социјален дијалог можат да се решат сите отворени прашања кои се однесуваат на вработените. 

Страница 18 од 90
Capital Bank

Блог

Статистика

  • Корисници 2
  • Артикли 396
  • Посети на артикли 521600

Онлајн

Имаме присутни 374 гости и нема членови