Синдикатот на работниците од управата, правосудните органи и здруженија на граѓани (УПОЗ) во Штип ја одржа првата работилница од проектот „Подигни ја својата свест, пријави корупција, биди одговорен”, поддржан од Агенцијата на САД за меѓународен развој – УСАИД

Вчера (29 јануари) во Штип се одржа првата работилница од серијата планирани работилници на тема „ПОДИГНИ ЈА СВОЈАТА СВЕСТ, ПРИЈАВИ КОРУПЦИЈА, БИДИ ОДГОВОРЕН” која има за цел да информира и да охрабри пријавување на секаков вид корупција бидејќи само со свесност за нејзино постоење и пријавување таа може да се искорени.

На оваа работилница, која се организираше во Источниот плански регион, учество зедоа повеќе од 40 членови на Синдикатот на УПОЗ од 12 синдикални организации.

Во првиот дел од работилницата, учесниците беа запознаени со корупцијата и судирот на интереси, односно со начини на нивно дефинирање и препознавање. За таа цел, од страна на Синдикатот на УПОЗ ангажирани беа експерти, кои низ практични примери и дискусија со учесниците успеаја да им ја приближат темата на учесниците на оваа работилница.

Во вториот дел од работилницата беа претставени механизмите за заштита при пријавување на корупцијата и судирот на интереси, каде беа презентирани законските заштитни механизми. Во дискусијата се констатираше дека во ниту една од институциите во кои учесниците работат нема определена личност кај која може да се пријави корупција.

По завршување на вториот дел од работилницата, низ практични примери и предизвици се разви дискусија при што оваа тема се покажа како мошне интересна.

Следната работилница ќе се одржи на 12 февруари во Североисточниот плански регион, а град домаќин ќе биде Куманово, по што ќе следат работилници и во Струмица, Скопје, Гостивар, Велес, Охрид и Битола. 

Синдикатот на работниците од управата, правосудните органи и здруженија на граѓани на РМ (УПОЗ) пред истекот на 2019 година повторно го актуелизираше барањето судските полицајци да го добијат правото на т.н. бенефициран стаж.

Синдикатот на УПОЗ очекува конечно судската полиција да добие право на стаж на осигурување што се смета за зголемено траење или популарно наречениот бенефициран стаж.

Во таа насока, пред истекот на истекот на 2019 година, Синдикатот на УПОЗ одржа состанок со Министерството за правда, Министерството за труд и социјална политика, Фондот за пензиско и инвалидско осигурување и Судскиот Буџетски совет. Според договореното од овој состанок Синдикатот на УПОЗ до Министерството за труд и социјална политика, поточно до Секторот за пензиско и инвалидско осигурување поднесе иницијатива за измена на Законот за судска служба и Законот за пензиско и инвалидското осигурување.

При тоа, образложивме дека судските полицајци останаа единствени униформирани  службеници кои не добиле статус на овластени службени лица, со што не може да ја добијат и можноста за правото за стаж на осигурување што се смета за зголемено траење. Побаравме ИТНО да се започне постапка за измена на Законот за судска служба кој ја регулира работата на судската полиција и да се додаде член со кој тие ќе добијат статус на овластени лица. Побаравме и да се започне постапка за измена на Законот за пензиското и инвалидското осигурување со кој ќе се утврди стаж на осигурување со зголемено траење за вработените во судската полиција.

Со жалење мораме да констатираме дека оттаму добивме еден нејасен одговор, неразбирлив за нас, кој единствено можеме да го протолкуваме само како вараќање на процесот назад.

Сакаме да потенцираме дека не се оди напред со враќање на процесите наназад!  Затоа ги повикуваме надлежните најпрвин да си го протолкуваат неразбирливиот одговор, а потоа да преземат чекори со кои конечно 183 вработени во судскатата полиција ќе го добијат правото кое го заслужуваат. Финансиските импликации кои ги пресметавме не се ниту големи ниту пак можат да го обременат Буџетот затоа што не се повеќе од 600 илјади евра.

Бараме Владата во најбрз можен рок да започне измена на наведените закони затоа што видот, обемот, природата и сложеноста на работата на судските полицајци е од таков тип што тие треба да влезат во графата за бенефициран стаж.

Синдикатот на работниците од управата, правосудните органи и здруженија на граѓани на РМ (УПОЗ) пред крајот на минатата година писмено се обрати до Владата со барање да помогне да се заврши започнатата работа околу исплатата на неисплатените средства незаконски задржани за време на штрајкот со која не беа опфатени сите вработени. Владата одговори дека не се противи  на намирувањето на законските побарувања како и остварувањето на правата на припадниците на судската полиција и помошно-техничкиот пероснал, но нема надлежност да врши влијание врз работата и одлучувањето на Судскиот буџетски совет или да решава за распределбата на средствата од истиот.

Во дописот до Владата од 11.11.2019 година, Синдикатот на УПОЗ ја известува за проблемите што веќе долг временски период се провлекуваат и не се решаваат иако беа обезбедени сите услови за нивно решевање.  

Имено, Владата на РСМ обезбеди средства кои беа наменети за исплата на задржаните средства за време на штрајкот во 2016 година во судовите. Исто така, во јули минатата година беше донесена и Одлука за исплата на задржаните средства за штрајкот на неколку рати од страна на Судскиот буџетски совет. Но со жалење мора да констатираме дека судската полиција и помошно-техничкиот персонал, вработените преминати во други организации и веќе пензионираните, не им е извршена исплата на незаконски задржаните средства.

За да може вработените во судкската полиција кои штрајкуваа да им се изврши исплата потребно е да се потпише Правилникот за исплата на додатоци на плата од Министерот за правда. За помошно-техничкиот персонал за кој СБС донесе одлука да се изврши исплатата како прекувремена работа до ден денес ниту еден престтедаел на суд не посатпил по истата таа одлука. Се опструира и исплатата на вработените кои преминале да работат во друг суд, или друга организација како и исплатата на веќе пензионираните!

И додека опструкциите траеја и бараат да биде се по закон, потенцираме дека кога се работи за челновите на Судскиот совет одлкуите експресно се спроведуваат! Па така, си донесоа одлука и си поделија додатоци на плата за судиите повисоки за 10 %, и секако притоа скратија кај судкската администрација за која додатокот го преполовија на 5 %. За нееднаквиот третман реагираше Синдикатот на УПОЗ, но добивме неразумен одговор дека во сепртември администрацијата добила 5 % покачување на плата! Некој очигледно намерно заборава или сака да заборави дека платите на судиите се регулирани со посебен закон и не прави разлика што е плата, а што додаток на плата и дека нив не ги опфаќа ова зголемување.

Затоа, побаравме и се уште бараме од Владата на РСМ да преземе мерки со кои Судскиот буџетски совет целост ќе ја реализира исплатата. Владата во одговорот од 24.01.2020 година одговори дека не се противи на намирувањето на законските побарувања како и остварувањето на правата на припадниците на судската полиција и помошно-техничкиот пероснал прит ота наведувајќи дека немаат надлежност да вршат влијание врз одлучувањето на Судскиот буџетски совет.