По повод Меѓународниот ден на трудот - Први Мај, во знак на почит на вечната борба за поголеми права и во знак на сеќавање на историската 1886 година кога загинаа работници борејќи се за осумчасовно работно време односно поголеми права за работниците, Синдикатот на УПОЗ ги повикува сите членови и работници достоинствено и синдикално да го одбележат Први мај - Меѓународниот ден на трудот.

Синдикатот на УПОЗ, пред пет години, соочен со апатијата и не одбележувањето на празникот на трудот - Први мај од синдикатите во Македонија, беше иницијатор за потпишување на Повелбата за солидарност заедно со Синдикатот на Македонската дипломатската служба (СМДС), Синдикатот на Клинички Центар и Самостојниот синдикат на новинари и медиумски работници (ССНМ), и ја потпишаа Повелбата во очи на одбележување на Први мај.

Целта на потпишување на Повелбата за солидарност беше овие синдикати бидат предводници на новото синдикално движење во Македонија а одбележувањето на Први мај стане традиција. Од тогаш па до ден денес кон Повелбата за солидарност се приклучија и други синдикати и здруженија, како и левичарски движења.

Под мотото “НЕ БИДЕТЕ ОПУШТЕНИ ДА НЕ БИДЕТЕ ОТПУШТЕНИ” како еден од најголемите првомајски протести кој беше организиран од Синдикатот на УПОЗ заедно со потписниците на Повелбата за солидарност, во 2015 година, го организираа најголемиот Првомајски протест до сега на кој учествуваа 4000 учесници кои го изразија револтот за лошите законски решенија кои стапија на сила истата година, односно примената на Законот за административни службеници и Законот за судска служба.

Иако новата влада се направи мали измени во Законот за административни службеници, Синдикатот на УПОЗ ќе ја продолжи битката за суштински измени на Законот за административни службеници и Законот за судска служба но и за сите други закони кои произлегуваат од Законот за административни службеници и за поголеми права од работен однос.

Затоа да бидеме единствени и сложни, Ве повикуваме масовно да излеземе на одбележувањето на Меѓународниот ден на трудот - Први мај како членка на Сојузот на синдикати на Македонија и потписниците на Повелбата за солидарност.

Првомајскиот протест организиран од ССМ ќе започне во 10.30 часот од пред зградата на ССМ, а потписниците на Повелбата за солидарност своето одбележување ќе го започнат од плоштадот Карпошово востание (Филип Втори) и ќе се маршира до Собранието и Владата на РМ.

Ценејќи ја потребата за достоинствено одбележување на Први мај, Ве повикуваме масовно да го одбележиме Меѓународниот ден на трудот.

Реакција на Синдикатот на УПОЗ по повод изјавите на премиерот Зоран Заев за не ефикасноста на јавната администрација и генерализирањето дека сите вработени во администрацијата се не работници.

Синдикатот на работниците од управата, правосудните органи и здруженијата на граѓани на Р. Македонија (УПОЗ),  реагира на, во последно време зачестените изјави на премиерот Зоран Заев за наводната катастрофална продуктивност на администрацијата и дека таа е полна со неработници и партиски кадри и дека вработените во администрацијата не заслужуваат зголемување на платите. 

Во истите изјави беше посочено дека зголемување на платите ќе добијат вработените во здравството, образованието и одбраната, но не и во другите сектори, односно во администрацијата, каде што според Премиерот, дури треба и да се замрзнат платите.     
 
Вака искажаните ставови од Претседателот на Владата на Р. Македонија, се неприфатливи за Синдикатот на УПОЗ ако се има во предвид фактот дека токму Владата на Р. Македонија е работодавач на вработените во јавната администрација. 
Неговиот став дека администрацијата не работи и дека работи на принципот „клати врата земи плата“, всушност покажува дека владата, министрите, директорите, раководителите на сектори и одделенија кои ги назначува Владата, се оние кои треба да бидат одговорни за лошото менаџирање и вината треба да ја побара кај нив, а не кај административните службеници. 
 
Со ваквите ставови премиерот генерализира состојба и создава впечаток за вработените во администрацијата дека сите до еден се неработници. Овие ставови на премиерот не само што се не умесни, тие се и загрижувачки, особено што се изречени од него и особено кога за одредени сектори како што се образованието, здравството и одбраната вели дека треба и мора да има покачување на платите, а за администрацијата не. Прашуваме, дали ова значи дека сите вработени во образованието, здравството и одбраната стручно и совесно ги извршуваат своите задачи, а само вработените во администрацијата според премиерот: „пијат кафиња, читаат весници и коментираат по портали“?
 
Затоа на крајот Синдикатот на УПОЗ сака да го праша премиерот дали знае колкави се примањата на вработените во администрацијата, зошто овие вработени немаат регрес за годишен одмор, кога било последното зголемување на нивните плати, дали имаат основни услови за работа и дали се жртви на мобинг токму од политички поставените директори или раководители? 
 
Дали премиерот може да објасни зошто вработени со работно искуство повеќе од 25 години се уште имаат статус на помлад референт, а ново примени вработени без ден работно искуство стануваат раководители, директори па дури и министри? Зошто за да се применат некои законски одредби кои се во корист на работникот мора да интервенираат инспекциските служби и да се бара судска заштита и зошто се уште се исплаќаат плати со правилници и одлуки наместо со Колективни договори и закони?
 
Реагирајќи на ваквите неосновани ставови на премиерот за администрацијата, Синдикатот на УПОЗ сака во целост да го демантира неговиот став дека целата администрација се не работници и да укажеме дека работодавачите се должни кон „неработниците“да ги применуваат законските одредби, а доколку некогаш најдат некој добар работник истиот и да го наградат.
 
Затоа Синдикатот на УПОЗ испраќа порака до премиерот да ги преиспита ваквите ставови и наесен очекува зголемување на платите во администрацијата како и за другите вработени во јавниот сектор.   
 

Синдикатот на УПОЗ со писмо се обрат и до претседателот на Судскиот буџетски совет Зоран Караџовски да одговори кој е работодавач на вработените во судската служба. Неговите постпаки се збунувачки. За време на штрајкот во 2016 година тој беше работодвач и со наредба ги казни вработените штрајкувачи. Сега кога тие бараат да оставрат право од работен однос - јубилејни награди, тој вели дека не е работодавач.

 Во натамошниот текст ви го пренесуваме во целост писмото испратено.

"Синдикатот на УПОЗ од неговите членови, вработени во Судската служба, е информирана за Вашиот одговор во врска со нивните барања за исплата на јубилејните награди.

Во одговорот кој сте го испратиле, меѓу другото велите дека Судскиот буџетски совет не е надлежен да одлучува по барања на судските службеници за стекнување на права од работен однос, со оглед дека Судскиот буџетски совет не е работодавач на вработените кои поднеле барање за добивање на јубилејната награда.

Доколку Судскиот буџетски совет односно Вие како негов претседател не сте работодавач на судската служба се поставува прашањето, во кое својство и од која позиција за време на штрајкот на Судската служба во 2016 година им наложивте на претседателите на судовите со наредба, да им задржат 40% од платата, иако таа постапка во Законот е уредена на сосема поинаков начин.

Зошто со таквиот гест овозможивте нееднаков третман на вработените во судовите знаејќи дека во одделени судови, каде исто така вработените во судската служба штрајкуваа, не им беше задржан дел од платата? Нели чувствувате некаква, барем морална, ако не друга одговорност? Дали тогаш бевте и се однесувавте како работодавач а сега кога вработените бараат некое свое право, не сте работодавач? Или сметате дека зависно од потребите и некакви други интереси вие еднаш сте, а друг пат не сте работодавач.

На крај, доколку стоите на ставот дека не сте работодавач на вработените во судската служба, Ве прашуваме, како искусен правник - КОЈ Е РАБОТОДАВАЧ на вработените во судската служба? Ова е од причини што Синдикатот на УПОЗ сака да отпочне активности за потпишување на колективниот договор за вработените во судовите."

Министерот за инфоратичко општество и администрација Дамјан Манчевски, по покана на Синдикатот на УПОЗ присустуваше на 12-тата седница на Претседателството на Синдикатот на УПОЗ, каде ги претстави активностите на МИОА во делот на реформата во јавната администрација.

 

Министерот во соработака со Синдикатот на УПОЗ, најави формирање на работна група за изготвување на грански колективен договор за вработените во органите на државната управа.

"На овој начин се оди чекор напред во заштита на правата на овие вработени. Со гранските колективни договори подетално и појасно ќе се уредуваат правата и обврските кои произлегуваат од работниот однос. Целта е работниците да се вклучат директно во работниот процес со цел да се зголеми свеста за нивните права, но и продуктивност. Тоа значи дека вработените ќе имаат целосни и јасни информации за сите процеси што произлегуваат од нивниот работен ангажман, правилата за користење на одмор, слободни денови, обврска на работодавчот да обезбеди стручно оспособување и соодветни обуки итн", истакна министерот Манчевски.

На седницата се отвори и прашањето за спогодбата за степенот на кариера. Во тек се активностите во насока степенот на кариера да биде исплатен на сите административни службеници кои исполнуваат услови за тоа, а веќе започнатите судски постапки да се завршат со судско порамнување или спогодба. На тој начин вработените ќе добијат финансиски додаток, што противзаконски им бил оневозможен и ќе се спречи понатамошно оштетување на Буџетот на РМ.

Претседателот на Синдикатот на УПОЗ, Пецо Грујовски и останатите членови на Претседателството на Синдикатот на УПОЗ ги поздравија заложбите на МИОА и отвореноста на Министерот Манчевски за соработката и вклучувањето на Синидкатот на УПОЗ при носењето на одлуките кои ги засегаат вработените во администрацијата.

Страница 89 од 91
Capital Bank

Блог

Статистика

  • Корисници 2
  • Артикли 400
  • Посети на артикли 539992

Онлајн

Имаме присутни 136 гости и нема членови