Преставниците на Синдикатот на УПОЗ на денешната средба го запознаа Министерот за правда проф. д-р Никола Тупанчески за проблемите со кои се соочуваат вработените во правосудството а се постигна и договор, дека сите отворените прашања се решаваат тековно, со цел да се овозможат подобри услови за работа за вработените

На барање на Синдикатот на УПОЗ, кој беше преставуван од Претседателот на Синдикатот на УПОЗ Трпе Деаноски, Генералниот секретар Бојан Трипуноски, претседателот на СО при Јавните обвинителства Изабела Илиева, претседателот на СО при Основен суд Велес Горанчо Чолаков и Советникот Пецо Грујовски од едната страна и Министерот за правда проф. д-р Никола Тупанчески од другата страна, одржа работна средба на која беа покренати неколку отворени прашања за вработените во правосудството, со особен акцент на зголемувањето на платите.  

Од страна на претседателот Трпе Деаноски, беше посочено дека со зголемувањето на минималната плата, потребно е да се направи измена и усогласување и во Законот за судска служба и Законот за јавно обвинителска служба. Воедно беа побарани и информации од страна на Министерот Тупанчески за најавеното зголемување од 15% за вработените во судовите и јавните обвинителства кое е најавено во јавноста.

На средбата беше разговарано и за отпочнување на разговори за промена на Законото за судска служба и Законот за јавно обвинителска служба, со што истите ќе бидат усогласени со измените на Законот за административни службеници кои во последните две години беа направени а и дополнително да се унапредат правата од работен однос.

Министерот Тупанчески на преставниците на Синдикатот, им укажа дека е потребно усогласување на платите во правосудството и дека во наредниот период очекува да има повеќе информации за оваа активност. За најавеното зголемување на платите во судовите и јавните обвинителства во висина од 15%, Министерот посочи дека нема временска рамка за реализирање на ова прашања, како и за кого точно ќе се однесува зголемувањето. Претседателот Деаноски посочи дека доколку дојде до зголемување на платите само за судиите и јавните обвнители, ќе се створи голем револт и вработените во судовите и јавните обвинителства ќе го искажат својот револт.

Министерот Тупанчески посочи дека лично како прв човек на Министерството за правда, има желба за подобрување на состојбите во правосудството и дека за тоа ќе биде потребно и Синдикатот на УПОЗ како репрезентативен синдикат да се вклучи во процесот.

На крајот, двете страни се договорија дека е потрено да се формираат работни групи, кои ќе се брифираат меѓусебно, со цел сите отворени прашања прво се решаваат на маса, а доколку тоа не се случи да се искористат сите достапни механизми за искажување на незадоволството.  

Денес 16.02.2022 година, Комисијата за солидарен фонд ја одржа својата втора седница, на која беа разгледани барања по најразлични основи поднесени од страна на членовите на Синдикатот на УПОЗ. Во периодот помеѓу две седници, беа реализирани вкупно 289 неповратни барања во вкупен износ од 1.061.400 денари од кои 253 барања во износ од 789.000 денари се реализирани барање по членот 28 од Правилникот за солидарен фонд, а кој се однесува на парична помош за заболување од вирусот Ковид 19.

Со цел да им се излезе во пресрет на членовите на Синдикатот, денес 16.02.2022 година Комисијата за Солидарен фонд, ја одржа својата втора седница на која беа разгледани барањата на членовите по разни основи.

По основ парична помош за боледување беа поднесени и реализирани пет барања во вкупен износ од 17.600 денари. Три барања беа поднесени и реализирани по основ парична помош за лекување во вкупен износ од 18.000 денари, а беше доделена и една парична помош по основ елементарна непогода во износ од 30.000 денари. Исто така на седницата беа разгеледани и 11 барања за парична позајмица по разни основи а беа одобрени вкупно седум позајмици во вкупен износ од 150.000 денари.

Во периодот меѓу двете седници од 01.01.2022 година до 15.02.2022 година, согласно Правилникот беа одобрени и исплатени вкупно 289 барања во вкупен износ од 1.061.400 денари и тоа:

• Парична помош за новороденче – 12 барања во износ од 36.000 денари
• Парична помош за смрт на член на Фондот – четири барања во износ од 80.000 денари
• Парична помош за смрт на член на потесно семејство – 10-ет барања во износ од 100.000 денари
• Парична помош за пензионирање – девет барања во износ од 26.400 денари
• Парична помош по член 28 (исклучителен случај) – 253 барања во износ од 789.000 денари (исплата за заболените членови од Ковид 19);
• Парична помош за лекување – едно барање во вкупен износ од 30.000 денари.

Комисијата за солидарен фонд донесе заклучок и му предлага на Претседседателството на Синдикатот на УПОЗ, на наредната седница дополнително да се ревидираат критериумите и условите за доделување на парична помош за забоување од вирусот Ковид 19, со оглед на зголемениот број на барања по овој основ.    

Скалесто зголемување на платите во администрацијата, измена на Законот за административни службеници и Законот за вработените во јавнито сектор, исплата на регресот за годишен одмор за 2020 и 2022 година и отпочнување на преговори за продолжување на Гранскиот колективен договор, беа дел од прашањата на Синдикатот на кои се разговараа на средбата со Министерот Адмирим Алити.

На барање на Синдикатот на УПОЗ,  Претседателот на Синдикатот Трпе Деаноски, Генералниот секретар Бојан Трипуноски, претседателот на Одборот за административни службеници Зоран Георгиевски и членот на Извршниот одбор Александар Диље одржаа работна средба со Министерот за информатичко општество и администрација (МИОА) г – дин Адмирим Алити.

На оваа средба се разговарање за неколку прашања кои се од интерес на вработените, а најголем акцент беше ставен на покачувањето на минималанта плата, а со тоа и барањето на Синдикатот на УПОЗ скалесто усогласување на останатите плати. Претседателот Деаноски укажа дека доколку скалесто не се усогласат платите со порастот на минималната плата, системот на плати во државната администрација нема да функционира. Од страна на Министерот Алити беше посочено дека МИОА веќе преземало активности за решавање на ова прашање и дека очекува до крајот на месец февруари да се направи измена на Законот за административни службеници во делот на платите со што ќе има усогласување на платите во државната администрација.

Во однос на измените на Законот за административни службеници и Законот за вработени во јавен сектор, преставниците на Синдикатот побараа во најбрз можен рок да се формираат работни групи помеѓу Синдикатот и МИОА, и истите да отпочнат со подготовка на измени кои ќе бидат од суштинско значење за вработените во државната администрација.

Третото прашање кое беше разговарано на средбата беше исплата на регресот за годишен одмор за 2020 и 2022 година, право кое на вработените во државната администрација им следува согласно Гранскиот колективен договор. Ова прашање беше покренато од страна на Синдикатот со оглед што во Буџетот за 2022 година, не се предвидени средства за исплата на популаното К-15, а за 2020 година, регресот воопшто не беше исплатен. Министерот Алити ги информираше преставниците на Синдикатот дека регресот за годишен одмор е загарантиран во Колективниот договор и дека со ребаланс на буџетот ќе бидат обезбедни средства за исплата на регрес за годишен одмор. Исто така на крајот, напомена дека на седница на Владата ќе го покрене и прашањето за не исплатата на регресот за годишен одмор за 2020 година, со оглед што веќе се покренати тужби во граѓанскиот суд за остварување на ова право, а со цел да се спречи дополнително оштетување на буџетот со исплата на адвокатски и судски трошоци.

Претседателот Деаноски го информираше Министерот Алити дека потербно е да се оформат работни групи со цел отпочнување на преговори за подготовка на нов Грански колективен договор во кој доплнително ќе бидат унапредени правата од работен однос со поголеми права за вработените. Двете страни се согласија дека тоа е повеќе од потребно, затоа што само задоволен работник е продуктивен работник.  

На крајот двете страни истакна дека соработката помеѓу Синдикатот на УПОЗ и МИОА уште повеќе ќе се надгради и дека социјалното партнерство ќе продолжи со учество на Синдикатот на УПОЗ во сите фази од најавената реформа на администрацијата.